И Македонија на агендата на Туск: Колку Европа се труди да ја реши бегалската криза?
Утре во посета на Македонија ќе дојде првиот човек на Европскиот совет Доналд Туск.
Тој е на мини европска турнеја како дел од агендата „градење на европски консензус за справување со миграциската криза и подготовка на Самитот со Турција закажан за 7 март во Брисел и Самитот на Европскиот совет на 17-18 март“.
Според најавите Туск ќе се сретне со претседателот Ѓорге Иванов, а покрај покрај Скопје, Доналд ќе ги посети и Виена, Љубљана, Загреб и Атина.
Европскиот совет неодамна одлучи сите членки на Шенген зоната „целосно ќе го применуваат Шенгенскиот граничен кодекс и ќе одбијат влез на надворешните граници на државјани на трети земји што не ги исполнуваат условите за влез или кои не доставиле барање за азил и покрај тоа што имаа можност да го сторат тоа“.
– За реставрацијата на целосното функционирање на Шенген зоната ќе биде потребно време и тоа мора да биде придружено од мерки за решавање на хуманитарните последици за земјите-членки што се погодени, како со хуманитарна помош за сириските бегалци и за земјите од соседна Сирија, се наведува во соопштението на Европскиот совет по повод посетата на Туск на земјите од Западен Балкан.
Слично
Поврзани вести
