Либералната демократска партија го поддржа предлогот на опозициската СДСМ, Македонија да биде една изборна единица со пропорционален модел.

„Како партија која е дел од опозицискиот блок, сметаме дека само на овој начин ќе се вреднува секој глас на македонските избирачи .Позитивно ја оценуваме и проценката на СДСМ дека со ваква промена на изборниот модел ќе се реши и прашањето со гласањето на дијаспората. Секој иселенички глас за нас е подеднакво важен“, велат од ЛДП.

Тие додаваат дека ако ВМРО-ДПМНЕ не прави калкулации и злоупотреба на гласовите од дијаспората, тогаш треба да прифати гласот на иселениците да има иста вредност со гласовите на избирачите во државата.