По неколкучасовниот распит пред Кривичниот суд, поранешната министерка за внатрешни работи Гордана Јанкуловска го напушти судот, пренесе ПлусИнфо.

Таа е осомничена за изборни измами во предметот „Титаник“. Јанкуловска во саботата беше отсустна, а денеска, откако се врати од патот во странство, се пријави во судот како првоосомничена во првиот предмет на Специјалното јавно обвинителство.

Денеска на распит беше и екс секретарот на Владата, Кирил Божиновски, кој исто така предмалку го напуштил судот.

Ова е второто продолжение на распитот на осомничените од Титаник.

За првите четворица, меѓу кои Јанакиевски и градоначалникот на Пустец Едмонд Темелко, судија на претходна постапка го отрфли барањето на Јанева за мерка притвор, а само Темелко доби судска одлука еднаш неделно да се јавува на суд.