Со апели за воздржување од насилство се огласија и ДУИ и ДПА, во пресрет на најавите дека за утре се планираат нови протести во врска со пресудата за петкратното убиство кај Смилковското Езеро. Сите граѓани имаат право мирно да протестираат и да ги изразат нивните ставови, но не и да се вклучат во деструктивни или насилни дејства, велат од партијата на Ахмети. ДУИ ги повикува и надлежните институции да се справат со судскиот случај со почитување на меѓународните стандарди. ДПА апелира сите граѓани да останат смирени и да се воздржат од насилство. Секој има право да протестира, но не и да се вклучи во насилство, соопштија од партијата на Тачи, од каде исто така ги повикаа надлежните институции да се справат со овој судски случај, почитувајќи ги целосно меѓународните стандарди