Хрватската агенција за земјоделство и храна (HAPIH) денес објави дека ја повлекла од пазарот храната за бебиња Aptamil AR1 поради зголемено присуство на бактеријата Bacillus cereus.

Ова е исклучиво производ од 400 g со рок на траење од 17.05.2026 година и идентификациски број ЛОТ: 111444865.

Станува збор за стока од холандскиот производител Nutricia Export BV, чиј дистрибутер на хрватскиот пазар е компанијата AWT International doo, објавува Index.hr.

„Нутриција Експорт БВ“ е подружница на француската глобална прехранбена компанија „Данон“ и се занимава со трговија на големо со прехранбени производи, вклучувајќи млечни производи и сродни стоки.

Бизнисот е поврзан со фармацевтската и прехранбената индустрија, особено преку брендот Nutricia, кој се фокусира на медицинска и специјализирана исхрана.