Хрватската влада планира да основа нова државна нафтена компанија, со што ќе ги врати овластувањата за управување со експлоатација на нафта и гас, кои ги изгуби со приватизацијата на ИНА, пишува хрватскиот весник „Вечерњи лист“.

Инаку приватизираната нафтена компанија ИНА со децении функционира како неформално министерство за нафта и гас, извршувајќи голем број јавни функции. Бидејќи овие функции и активности на компанијата не се одделени при приватизацијата, изминатите години компанијата продолжи да функционира како државен монопол, односно како единствен концесионер за истражување и експлоатација на нафта и гас во земјата, но во приватна сопственост и водена од целосно комерцијални цели.