Пропадна мерката на хрватската влада за привлекување на иселениците да се вратат во Хрватска, нудејќи им 200 илјади куни (околу 26.500 евра). Имено, за оваа мерка се пријавило само едно лице, пренесува РТЛ.

Иако понудата за иселениците е на маса нешто повеќе од еден месец, Владата проценува дека до крајот на годинава ќе ја искористат само околу 4.500 луѓе.

„Ме изненадува тоа што воопшто има пријавени. Можеби сепак има зошто најверојатно некој ќе  сака да се врати, но јас велам - таа мерка е целосно промашување, вели ја Јутарњи лист советникот за комуникации Жељко Риха.

„Само по една година ќе можеме да оцениме и да кажеме дали оваа мерка беше добра, дали го ќе го достигне пред се економскиот, а потоа и демографскиот резултат што го сакавме, сега е рано да се извлечат заклучоци“, изјави министерот за труд Јосип Аладровиќ.

Аппликацијата на само едно лице за владините мерки ја коментираа демографите.

„Тоа се мерки кои реално немаат никаков ефект за враќање. Младите треба да се прашаат затоа што повеќето си заминаа. Треба да се понуди повеќе отколку некоја мерка, луѓето повеќе не веруваат во ветувањата“, изјави демографот Марин Стрмота за RTL.