Хрватската фабрика за чоколади „Звечево“ побара отворање на претстечајна постапка пред Стопанскиот суд во Славонски Брод.

Сметките на оваа кондиторска компанија од Пожега е во блокада подолго од 60 дена, пренесуваат медиумите од регионот.

Околу 300 работници , кои минатиот месец одлучија за прекин на производството и штрајк поради неисплата на платите за март, се вратиле во погон кога парите им легнале на сметки. А што ќе биде сега?

Се проценува дека „Звечево“ и должи на државата околу 100 милиони куни, но од друга страна има и побарувања. 

„Звечево“ , познато по првата чоколада со ориз во светот, во последните години работи со загуби. Лани следеше нов значаен пад на прометот, а компанијата претрпела рекордни загуби од дури 24,9 милиони куни.