Хрватските граѓани коишто користат кредит во швајцарски франци, за само еден месец им исплатиле на банките 1,3 милијарди повеќе. Советникот на здружението „Франак“ и основач на здружението „Промијенимо Хрватску“, професорот Ловриновиќ во емисија на хрватското радио „У мрежи првог“ изјавил дека сега е време банките и должниците да се спогодат. „Граѓаните се загрозени, тие во кредитен однос влегувале со добра верба, а банките не ги предупредиле на ризикот и сега мора да сносат поголем товар. За должниците би била поповолна конверзија на сите кредити во куни според курсот на денот на подигнување на кредитот“, смета Ловриновиќ. Адвокатката Мартина Шерцер - Илиќ исто така гостувала во емисијата и ги повикала лицата, кои веќе ги отплатиле кредитите, да подигнат тужба.