ХРВАТИТЕ НЕ САКААТ ДА РАБОТАТ: Бараат 42 000 сезонски работници
Хрватската економија се соочува со голем проблем - недостаток на сезонски работници. Оваа година на таа земја ќе и бидат потребни и до 42 000 сезонски работници.
Хрватски „Пословни дневник“ наведува дека во моментов во Хрватска недостасуваат голем број сезонски работници посебно во дејностите на трговијата и туризмот. Од почетокот на годината до крајот на февруари се упатени сите барања на работодавците за сезонци па нивниот број за оваа година би можел и да надмине 42 000 сезонци од минатата година.
Во 2015 година во туризмот и угостителството имало вкупно вработени 21.877 сезонски работници, а во оваа година секако се очекува и поголема и посилна побарувачка, што поради растот на туризмот и очекуваните подобри резултати така и поради одливот на угостителски работниц во ЕУ, па бројот на сезонски работници само во угостителството би можел да порасне и до 30 000.
-Во овој момент и покрај трудот на Хрватскиот завод за вработување заинтересирани за работа биле само десет одсто, па се поставува прашањето како тоа толку голем број на невработени луѓе не е заинтересиран ни да ги слушне условите за вработување-речено е на состанокот на министерите за туризам заедно со здруженијата за работодавци во Хрватска.
„Пословни дневник“ пренесува и дека во соопштението на Хрватското здружение на работодавци се заклучува дека „доколку не би се донеле оперативни мерки кои во овој момент се неопходни тогаш секако ќе биде потребен разговор околку квотите за вработување на странци“.
Слично
Поврзани вести
