Приходите на хотелите се зголемиле оваа година за околу 20%.

Над еден милион романски и странски туристи го посетија романското црноморско крајбрежје оваа година, а бројот е рекорден за последните 20 години, соопшти агенцијата Аџерпрес, повикувајќи се на заменик-претседателот на Федерацијата на работодавачи во романскиот туризам ,Драгош Радукан.

Радукан изјави дека во 2016 година бројот на романските туристи, кои одмараа во својата земја е  со 11% повисок отколку во 2015 година, а на странските туристи - со 10%.

Според него, туристите  трошат помеѓу 100 и 120 леи дневно по човек (едно евро се разменува за 4,44 романски леи).

Федерацијата на работодавачи во романскиот туризам очекува зголемување на бројот на туристите и следната година, откако приходите на хотелите се зголемиле оваа година за околу 20 %. Овие средства ќе бидат инвестирани на прво место во подобрување на квалитетот на понудените услуги.