Случај на невидено насилство од врсници се случил во Врање во детска игротека каде група осумгодишни момчиња крвнички го претепале својот врсник.

Според страницата на Инстаграм „Стоп за насилството“, сите деца посетуваат ист клас во ОУ „Вук Караџиќ“ во Врање.

„Ова не е прв пат да се случи насилство врз ова момче. Работниците од оваа игротека лажеа дека момчето излегло неповредено. Обид за прикривање нема да се случи, сите одговорни мора да бидат санкционирани за ова“, наведува таа страница.

Тие на Блиц му дале фотографии од повредите и лекарски извештај за состојбата на повреденото момче за што побрзо да се реши случајот и што е можно построго да се казнат одговорните.

Според пријавата, „пријателите“ скокнале врз него, го турнале, го удирале по телото. Момчето подоцна се пожалило на главоболка и гадење.

„Еве ги повредите на момчето од видеото кое доживеа врсничко насилство, кое беше претепано од неколку другари од исто одделение. Тоа се случи и во училиштето во кое одеа. Очигледно овде се штити другата страна, поради што не знаеме точно Детето има 8 години, видете повреди по тепачката, ќе продолжиме со уште некои снимки и докази“, наведуваат на страницата „Стоп за насилството“.

Засега нема дополнителни информации за покренување на истрагата.