Земја која сака да заземе друга земја без никаква цел мора да биде под истрага, изјави американскиот потпретседател Камала Харис. Вели дека треба да пратат јасен сигнал. 

Таа  денеска е во Варшава, и по разговорите со највисоките полски претставници, изјави дека е таму за да повтори дека НАТО е подготвен да ја брани секоја педа од својата територија, за да се договори за понатамошно зајакнување на источното крило на НАТО и да испрати сигнал до Русија дека ќе се соочи со сериозни последици. 

„Рековме дека последиците и трошоците од руската агресија врз Украина ќе бидат исклучително сериозни. Гледаме дека рубљата паѓа така што во Русија е на ниво на „ѓубре“ само затоа што Путин предизвика војна“, рече Харис на заедничката прес-конференција со полскиот претседател Анджеј Дуда.

Руската валута го продолжи својот пад во средата, а тргувањето со рубљата беше рестартирано на Московската берза. Вчера 117 рубљи се тргуваа за еден долар. Годинава рубљата падна за 40 отсто во однос на доларот.