Не ни треба дозвола од Србија за обединување со Албанија, вели  лидерот на Алијансата за иднината на Косово, Рамуш Харадинај. 

Тој денеска изјави дека обединувањето на Косово со Албанија не е поврзано со договорот што треба да се постигне со Белград. Вели дека тоа е внатрешна одлука на Косово.  Тој објасни дека барањето за обединување со Албанија се разликува од барањето од минатото, затоа што претходно се бараше ЕУ да добие одобрение од Србија, а сега тоа не се бара. Харадинај вели дека ако Косово не напредува и има пречки од Србија, ќе направат референдум за обединување. 

САД и Европа се против обединување на двете земји. Харадинај веќе беше опоменат од Европската Комисија за ваквите изјави кои му штетат на регионот. 

Aмериканците имаат план за српско - косовскиот спор. Се појави нов документ со три американски предлози за Србија.

Во Вашингтон се појави нов документ за решавање на прашањето на односите на Србија и Косово, зад кој стои човек на поранешниот американски претседател Барак Обама, јавуваат српските медиуми.  Има три можности за договор меѓу Белград и Приштина, но се истакнува и дека „ниедна не е идеална“.