Европскиот комесар за проширување Јоханес Хан оцени денеска дека наредниот бран на бегалци би можел да дојде од Либан, „слабата земја во која состојбата е драмaтична“, пренесува германски „Велт“.

„Ме загрижува развојот на настаните во Либан. Состојбата во еден дел е драматична. Од таа земја би можел да тргне следниот бран бегалци“, рекол Хан и додал дека во Либан веќе се наоѓаат 1,2 милиони сириски мигранти.

Хан оцени дека Либан е најчуствителната земја во регионот, инсистирајќи на политичката нестабилност во таа земја, висока стапка на невработеност и лоша економија.

Како би го спречила бегалскиот бран, Европската унија одлучила во среда финансиски да им помогне на Либан, Јордан и Турција, кои во регионот примиле најголем број бегалци од Сирија и Ирак.