Во рамки на петата рунда на дијалог на високо ниво меѓу ЕУ и Албанија, еврокомесарот Јоханес Хан во дводневна официјална посета на Тирана ќе има средби со албанскиот државен врв.

Очекувањата според албанските медиуми е продлабочување на работата околу клучните реформи кои и се потребни на Албанија за следната фаза од процесот на оваа земја во Европската Унија.

Хан во Тирана би требало да се сретне и со  претседателот Бујар Нишани, претседателот на парламентот Илир Мета, премиерот Рама, лидерот на најголемата опизицска политичка сила, Демократската и актуелен градоначалник на Тирана, Љуљзим Баша, како и со претставници од бизнис и граѓанскиот сектор а за време на престојот тој ќе посети неколку културни центри во албанската метропола .

Средбата ќе ја заврши со прес конференција заедно со премиерот на Албанија Еди Рама.