Портпаролката на ЕК, Маја Коцијанчич, потврди дека преговорите траат и оти комесарот Хан останува со македонските политички лидери до крајот на вечерта, бидејќи предвиденото патување за Босна и Херцеговина, планирано за 18 часот е одложено поради наводно неисполнети обврски на босанските власти. Инаку македонските медиуми, од неофицијални информации известуваат за сериозен исчекор во преговорите кон создавање техничка Влада, а во моментов е нејасно колку време би бил мандатот на таа Влада. Заев пред разговорите исклучи можност за Влада која ќе ја предводи Груевски. На разговорите од доцна попладнето се приклучи и американскиот амбасадор Џес Бејли!