На Халкидики е започната потрага по 33-годишна српска државјанка која исчезна вчера попладне во Пефкохори.

Според првите информации, жената била во Грција на одмор, а исчезнала додека била на плажа. Лицето кое било со неа денеска го пријавило нејзиното исчезнување во полиција, велејќи дека жената заминала на некое време и никогаш не се вратила.

Покрај полицијата, во потрагата се придружиле и волонтери од спасувачкиот тим на OFKATH, кои заедно го пребаруваат подрачјето во обид да ја пронајдат. Веста е објавена и во групата Грчкаинфо.