Еден час пред полноќ, група насилници без причина нападнале две момчиња при излегувањето од кафулето Франк во Мавровка, јави телевизија Телма. Со момчињата имало уште три девојки и уште едно момче, но тие успеале да побегнат. Случаен таксист излегол од колата да ги спаси двајцата другари, при што напаѓачите се разбегале. Таксистот, веднаш го однесол во болница 18-годишното момче кое имало сериозни повреди. Таму тој бил задржан на интензивна нега, а потоа бил пренесен во шок соба. Другото момче, 16-годишно,  успеало само да побегне и се вратило дома, но потоа со неговиот татко отишло во болница,каде поради повредите го пренеле во Клиника.