Владата има намера да ангажира странска корпорација, која ќе помогне да се симне бариерата во остварување на деловните контакти, најави премиерот Никола Груевски на денешната средба со странските инвеститори и домашните компании во Македонија. Премиерот оцени дека соработката меѓу инвеститорите кои доаѓаат во земјава и локалните бизнисмени не е на задоволително ниво и побара унапредување на контактите. Околу 20 странски инвеститори се претставија на денешната средба пред македонски компании од трите стопански комори, во обид да ги запознаат со нивната работа и да ги испитаат можностите за меѓусебна соработка.