„За да се реализира договорот за изборите би требало да се договориме како да се организираат. Тој (Зоран Заев) бега од избори. Поставува такви услови за кои однапред знае дека не може да се договорат. Затоа што целта не е да се договори. Целта му е да не се реши кризата, да поче да тоне економијата и да нема избори“, изјави премиерот.

Лидерот на СДСМ пак Заев, кој на преговорите во Брисел не отстапи од ставот на премиерот Никола Груевски мора да поднее оставка и преодна влада да организира избори, рекол дека „избори со Груевски не можат да бидат фер и дека не може човек кој е главен проблем да биде решение на проблемот“.

„Неразумно и нелогично е креатор на кризата Груевски да остане да раководи со влада која треба да организира, подготви и спроведе предвремени избори. Нема погодување со слобода и демократски вредности кои ги заслужуваат граѓаните на Македонија како и нивте сограѓани во Европа“, рекол Заев.

Медиумите, повикувајќи се на партиски и дипломатски избори пренесуваат, дека вчера во Брисел предмет на преговорите, помеѓу останатите решенија, било и тоа дека Груевски до почетокот на 2016 ќе поднесе оставка на местото премиер, со што тој начелно се согласил, но што не го прифатил Заев, барајќи до оставка да дојде многу порано.

 Еден од предлозите околу кои не е постигната согласност бил и да се формира техничка влада чии два потпретседатели би биле Заев и Груевски.

Европската унија во соопштението после состанокот доцна синоќа ги повика сите страни во земјава дека е “во интерес на својата земја и нејзините граѓани да најдат без одложување траен политички компромис за да се дефинира веќе постигнатиот договор во Скопје на  2 јуни“.

Тоа,е како што се наведува во соопштението , „од суштинско значење земјата да направи било каков напредок на патот кон евроатлантските интеграции“.

Иако се очекува преговорите меѓу лидерите на партиите да продолжат, засега не е најавено како и кога нивното продолжение ќе биде организирано.