Според премиерот Никола Груевски добро е тоа што СДСМ поставил истакнати партиски кадри на новите министерски позиции. Вака народот ќе може да види што е тоа политичка одговорност, како работат кадрите на ВМРО-ДПМНЕ, а како тие на СДСМ. „Нема да се затскрива зад божемни  експерти, а повторно анонимни членови на СДСМ“, вели Груевски. Оливер Спасовски е нов министер за полиција иако до последно во игра било и името на Наташа Пеливанова од факулетет за безбедност. Фросина Ременски ќе биде министер за труд и социјална политика. Груевски вели дека никој нема да може да биде исфрлен или сменет од Министерството за внатрешни работи ако тоа не е по закон. Заев пак вели дека интенција на СДСМ е да останат професионалци, не да се менува се во министерството.