Претседателот Ѓорге Иванов денеска ќе му го довери мандатот за состав на новата Влада на лидерот на ВМРО-ДПМНЕ Никола Груевски. Според соопштението од Кабинетот на Иванов, официјалната церемонија на врачување на мандатот ќе се одржи во 15:30 минути во Вилата Водно. Крајниот рок за доверување на мандатот о последните парламентарни избори истекуваше утре. По врачувањето на мандатот, Груевски треба најдоцна во рок од 20 дена да ја подготви програмата на Владата и да го предложи новиот владин состав во Собранието. Новата Влада веќе се согласија дека ќе ја формираат ВМРО-ДПМНЕ и ДУИ, но распределбата на министерските ресори меѓу двете партии уште трае.