Грчките новинари денеска се приклучија на штрајкот на адвокатите, лекарите, и другите работници против непопуларниот план за реформа на пензискиот систем.

Новинарите не објавуваат вести, новинските сајтови не качуваат нови информации, а утрешните весници нема да се печатат.

Критичарите укажуваат дека реформата ќе доведе до драстично намалување на платите, пренесоа светските медиуми.

Во штрај' се и превозниците на траекти, нотари и земјоделци.

Грчкиот премиер Алексис Ципрас во вторникот застана во одбрана на непопуларниот план за реформи на пензискиот систем, со ветување дека ќе избегне нови кратења, додека протестите против мерките кои од Грција ги бараат кредиторите се шират во земјата.

Ципрас на специјалната седница на парламентот рекол дека пензискиот систем на Грција се соочува со колапс доколу брза корективна акција не биде преземена.

Тој истакнал дека со реформата нема да има нови намалувања на основата на пензиите, кои во повеќе наврати се кратени од почетокот на финансиската криза во Грција.

Меѓународните кредитори, чии заеми ја одржуваат Грција од средината на 2010, бараат од оваа земја сеопфатна реформа на пензискиот систем.Предложените промени водат до големи зголемувања на доприносите за социјално осигурување, што најмногу ќе ги погоди самоврaботените и земјоделците, кои велат дека повеќе од три четвртини нивните приходи одат во пензиските фондови и даноци.

Конзервативниот лидер Киријакос Мицотакис ја обвини владата дека ги „жртвува идните генерации поради денешна популарност“ и го предупреди парламентот дека мерките ќе доведат до избегнување на данок и неплаќање на доприноси за социјално осигурување.

Синдикатите кои претставуваат групи различни професи-адвокати, лекари, полиција и рибари протестираат против реформата, додека земјоделците со повеќе од илјада трактори ги блокираа автопатиштата ширум Грција.