Oрганизаторите на масовните протести во повеќе од 20  градoви во Грција попладнево порача дека до крајот на јуни секој ќе го добие тоа што го заслужува и  ќе биде кристално јасно. 

Илјадници граѓани се собраа во Катерини, Неа Мудања, Воден, Кавала, Серес, Кукуш, Костур, како и на островите Крв, Родос и Крит. Централниот собир се одржува во Пела, родниот град на Александар Велики, од каде што беа испратени пораките на организаторите.

„Не прифаќаме договор со Скопје кој ќе го вклучува зборот Македонија и кој го признава македонскиот јазик и идентитет. Вечерва плоштадите се преплавени со луѓе, мора да им се слушне гласот“ - беа дел од пораките. 

По денешните протести низ северна Грција, протест за одбрана на името „Македонија“ ќе има и во Атина, на централниот плоштад Синтагма, на 8 јули, само неколку дена пред самитот на НАТО. Протeстот во Атина, ќе го организира Здружението за заштита на правата на Власите кои зборуваат грчки во Македонија и Здружението за заштита на Хеленска Македонија.  Двете здруженија ги повикуваат граѓаните да порачаат дека не може да се преговара за грчкиот карактер на Македонија и дека „Македонија е една и единствено грчка“.