Грчките власти соопштија каде престојувал напаѓачот од Нов Зеланд. 

Грчката полиција информираше дека Брентон Харисон Тарант престојувал на грчките острови Крит и Санторини, и дека два пати поминал низ Грција.

Во март, во 2016 година, Тарант дошол во Грција од Истанбул и поминал неколку дена на Крит, во местото Хераклион и на островот Санторини.

Тарант според наводите на полицијата, поминал транзитно низ Грција истатата година на 29 ноември и 10 декември.

Полицијата ги истражува сите телефонски повици што Тарант ги остварил додека престојувал во Грција.

Терористот од Нов Зеланд прошетал голем дел од Европа, а од она што засега е познато освен во Грција, од балканските земји ги посетил Србија, Хрватска, Босна и Херцеговина, Црна Гора, Бугарија. Властите од Унгарија и Турција исто потврдија дека Тарант бил во овие земји помеѓу 2016 и 2018 година.

Во нападот во двете џамии во Крајстчерч во петокот беа убиени 50 лица, а над 30 се повредени.