Грција ќе испрати писмо до Обединетите нации(ОН) за турските провокации. 

Јужниот сосед ќе испрати писмо до генералниот секретар на ОН, Антонио Гутереш „во кое целосно ги побива едностраните и непостоечки тврдења на Турција за островите во Егејското Море“, објави грчката новинска агенција АНА-МПА, повикувајќи се на дипломатски извори. 

Информацијата ја потврди и портпаролот на грчката Влада, Јанис Иконому на денешниот редовен брифинг со новинарите, јави дописничката на МИА од Атина.

Односите меѓу двете земји и порано беа напнати поради островите во Егејското Море. 

Во 1996 година, за малку е избегнат воен судир помеѓу овие две соседни земји и членки на НАТО.

Турскиот претседател Реџеп Таип Ердоган деновиве изјави дека грчкиот премиер Кирјакос Мицотакис повеќе не постои за него, затоа што ја критикувал Турција.