Потпретседателот на Европската комисија, Маргаритис Шинас денеска изрази оптимизам дека наскоро ќе се постигне договор за да може да се појави сертификат за вакцинација на коронавирус пред летото, пренесува Катимерини.

„Верувам дека има конвергенција за потребата да се има овој дигитален сертификат, кој ќе биде европски производ и ќе биде ист низ цела Европа“, изјави за ЕРТ Шинас, кој е во посета на Атина.

Тој додаде дека предлогот на Европската комисија за ваков дигитален сертификат ќе биде презентиран на 17 март, но истакна дека предлогот ќе ги содржи спецификациите за дигиталниот сертификат, но не и параметрите за неговата употреба.

Предлогот, објасни тој, ќе се дискутира на Европскиот совет на 25 март и релевантните совети на министри, пред да се изврши техничката работа за да можат да пристапат до системот до граѓаните на секоја земја-членка. Шинас рече дека целта е сите овие процеси да завршат пред летото. Шемата ја туркаат земји-членки како Грција кои во голема мера се потпираат на туризмот и бараат безбедни начини за повторно отворање на патувањата во ЕУ.