Во соседна Грција нагло порасна бројот на заразени со коронавирусот. 

За 24 часа кај јужниот сосед се регистрирани повеќе од 10.000 случаи на ковид-19, од кои 9.288 се новозаразени, а 1.274 се веројатни реинфекции, што претставува зголемен број во последните седмици, јави дописничката на МИА од Атина. Во последното деноноќие починале 15 луѓе, а 103 пациенти се приклучени на апарати на одделите за интензивна нега. Од почетокот на пандемијата во Грција се потврдени 3.517.898 случаи на ковид-19,  а починале вкупно 30.049 луѓе. Пред почетокот на туристичката сезона, Грција ги олесни ковид мерките. И Австрија е една од европските земји која регистрирала пораст на бројот на инфицирани. Во светот над 15 милиони луѓе починаа од коронавирусот. 

foto freepik.com