Грчкиот премиер Антонис Самарас за време на неговата посета на Кина рече дека неговата земја би можела да стане вистинска порта за влез на кинеските производи и инвестиции во Европа. Самарас на Економскиот форум ги поздави серијата билатерални договори кои беа потпишани вчера, меќу кои и за соработка со Кинеската банка за развој и Агенцијата за приватизација на грчката влада, како и договорот за формирање нова агенција, наречена „Инвестирајте во Грција". Веќе шеста година во рецесија, за Грција е од суштинско значење да се привлечат инвеститори за заживување на нејзината економија. Процентот на невработеност во Грција е рекорд во Европа - 27 отсто. Со потпишувањето на кинеско-грчкиот договор во областа на поморската трговија, кинескиот поморски гигант Коско веќе влеза во грчкото пристанише  Пиреја, благодарение на 35-годишна концесија на два терминала. Самарас рече дека исто така треба да се развие трговијата со маслиново масло и мермер кои се традиција за Грција.