Пред Министерството за земјоделство на плоштадот Ватис во центарот на Атина, денеска протестираат земјоделците од цела Грција. Тие од владата, меѓу останатото, бараат поевтино гориво и даночни олеснувања. Преговорите со владата пропаднале минатата недела. Но, иако не постигнале посебен напредок во разговорите со претставниците на владата, земјоделците минатата недела се согласиле да отстранат некои од 50-те блокади на патиштата кои ги поставиле пред скоро еден месец. На денешните протести очекувано е присуство на голем бој луѓе, што во центарот на грчката престолнина предизвикува проблем во сообраќајот. Организаторите ги повикале сите вработени во Атина да се придружат на протестите и да изразат поддршка на земјоделците “кои се борат за опстанок“.