Грчките новинари денеска, вторпат оваа недела излегуваат на штрајк против плановите за спојување на нивниот фонд за социјално осигурување со државниот фонд. Вработените во медиумите протестираа и во средата. Првиот обид на Владата да го помине законот во Парламентот не успеа, а  министерот за финансии Јанис Стурнарас не доби поддршка за предлог-законот за спојување на фондовите за здравствено осигурување на новинарите, градежните инженери и адвокатите со Националната организација за здравствена заштита . Денешниот штрајк се спроведува откако Владата ја соопшти својата намера в среда повторно да го поднесе законот за гласање во Парламентот.