Кон производство на храна се насочуваат сопствениците на хотели во Грција, бидејќи намалувањето на цените некогаш не е доволно за надминување на кризата. Кризата направила и сопствениците на хотелите, покрај украсните растенија да насадат и зеленчук во рамки на хотелските комплекси за да ги намалт трошоците за работа. Најголем проблем е тоа што стандардот на средната класа се намалил за 30 до 50 отсто, па има и помалку домашни туристи. Во таа традиционално туристичка држава падот на приходите и профитот во туризмот во последните години е на ниво од околу 40 отсто, Минатата година, Грција ја посетиле 16,1 милиони туристи, три отсто помалку во однос на 2011 година. Поради тоа цените во хотелите се намалени, а квалитетот на услугите е зголемен, тврдат Грците. Во екот на сезоната, грчките туристички агенции последните четири години загубиле просечно по 23 отсто од своите приходи, а бројот на резервирани соби е намален за повеќе од 12 отсто. Хотелиерите тврдат дека поголемиот дел од нив работат без профит само за да ја одржат работата. Грците велат дека им е полесно преку лето бидејќи има повеќе работа и може нешто да направат, но затоа во текот на зимата им е потешко бидејќи нема работа, а сметките им се поголеми. Оваа година Грците поради зголемениот број на резервации очекуваат рекордни 17 милиони туристи.