Со прекин на снабдувањето со електична енергија, грчкиот синдикат ќе почне со протести поради најавената приватизација на електроцентрали и јагленокопи во државата, објави Катимерини.

Протестите почнуваа в понедленик бидејќи Парламентот се очекува по брза постапка да одлучува за нацрт-законот од Владата за продажба на електроцентрали и рудници.

Се очекуваат протести в понеделник во Северна Грција, полуостровот Пелопонез, каде се наоѓаат електроцентралите што ќе бидат предмет на продажба.

Продажбата е во рамки на приватизација што ја бараат меѓународните кредитори на Грција со цел либерализација на пазарот за електрична енергија. Во моментот, Националната компанија ДЕИ е 90 отсто во сопственост на државата.