Хотелиерите на островите Самос, Лезбос, Хиос, Кос и Лерос обидуваат да ги привлечат грчките туристи со примамливи понуди. Овие острови се најзасегнати од бегалскиот бран од Турција.

Од 20 август до крајот на октомври, Грците, кои одлучуваат да одмараат на овие острови, ќе добијат 50% попуст. На овој начин хотелиери ќе се обидат да ја спасат сезоната, кој е сериозно засегната од бегалскиот бран.

Мерката ќе биде извршена во соработка со грчкото Министерство за туризам. Како дел од напорите на Министерството, да привлече повеќе туристи кон островите во Егејското Море беа организирани новинарски тури и тури за туроператори, а беа подготвени и промотивни програми за големите туристички компании.

Податоците за туристичкиот сектор во јули го вратија оптимизмот дека сезоната може да ги подобри рекордите. Според грчката туристичка федерација (SETE) резервациите во последен момент се покажале како спасувачки за туризмот во Грција.