Пратеничката на владејачката Народна партија на Австрија (ОВП) Ангела Баумгартнер предизвика бура од критики за нејзината изјава дека граѓаните само замислуваат поскапување.

- Чувството дека повеќе не можеме да си дозволиме ништо се шири меѓу граѓаните поради тоа што опозицијата не убедува во тоа со ширење омраза и создавање лоша атмосфера – изјави Баумгартнер во австрискиот парламент.

Wir bilden uns also laut #ÖVP Abgeordneter Angela Baumgartner die Teuerungen nur Ein! Teuerung ist ein Gefühl #Teuerung #OEVPGameOver https://t.co/Nzr5Fo6yBK pic.twitter.com/ln0D0UBveU

— Michi Hillinger (@himi68) November 18, 2022

Ова го кажа пратеничката од говорницата на парламентот, иако инфлацијата во Австрија во месец октомври достигна 11 отсто, и е на ниво какво што не била во последните 70 години. Истовремено, цените на храната и енергијата постојано растат, а голем број граѓани, според истражувањата на јавното мислење, запаѓаат во „енергетска сиромаштија“, бидејќи повеќе не можат да ги платат сметки за струја и гас.

Но, како што пишуваат медиумите, за пратеничката Баумгартнер сето тоа е имагинација, што предизвика гнев кај граѓаните кои бурно и многубројно реагираа на социјалните мрежи.

„Од сега да се чувствуваме богати и проблемот е решен“, е еден од предлозите на граѓаните на тврдењето на пратеничката на ОВП.