Доколку граѓаните на Кипар се одлучат за да изнесат одреден износ во странство тоа ќе можат да го направат слободно и истиот ќе биде  двојно зголемен на еден милион евра, соопшти министерство за финансии. Според соопштението  банките и понатаму ќе мораат да поднесат документација која ги оправдува таквите трансфери, пренесува Франс прес. Најновото опуштање на контролата на капиталот доаѓа после завршувањето на планот за докапитализација и реструктуирање на банкарскиот сектор во оваа островска земја. Имено, кипарските власти во март се договорија со партнерите од еврозоната и ММФ за пакет помош, поради кој неосигураните депоненти во двете најголеми кипарски банки претрпеа огромни загуби.