Активистите на Ајде и граѓаните од пред Владата тргнаа кон  Уставниот суд, каде ќе протестираат и ќе го искажат својот револт. Незадоволните граѓани поставија картони на кои пишува „Устав“, а под нив горат свеќи. Толпата тргна кон Канцеларијата на претседателот на РМ којашто се наоѓа во правец на Собранието, а потоа ќе се движи кон судот, каде што веќе кампуваат приврзаници на ГРОМ кои велат дека протестираат во одбрана на Уставот и институциите. На протестот е присутен и претседателот на опозицијата, Зоран Заев, а ќе се приклучат и други помали политички партии, како новоформираната „Левица“. Се предвидува да има ноќно „бдеење“ во пресрет на утрешната седница, која судот во последен момент ја затвори за јавност. Револтираните граѓани се против амнестија на изборен криминал и луѓе осудени за педофилија.