Граѓаните денеска ќе имаат можност да поразговараат со премиерот и министрите во Владата на Република Македонија и директно да видат како изгледа нивната работа. Поради големиот интерес покажан за време на реализацијата на проектот „Отворена Влада“, Владата одлучи повторно за граѓаните да организира отворен ден во просториите на Владата на Република Македонија. Во рамките на обиколките на зградата ќе бидат опфатени и салата за билатерални средби, кабинетите на потпретседателите на Владата, генералниот секретаријат и дебатната сала. Воедно, при посетата ќе биде овозможено присуство на седница на една од владините комисии.