Голем број граѓани протестираат пред Министерството за внатрешни работи, со барање полицијата да го обезбеди просторот околу крстот во Бутел и да продолжат работите за негова изградба. Жителите на населбата Бутел велат дека ќе протестираат се додека не им се исполни барањето. Тие негираат каква било поврзаност до политички партии. На протестот беа  градоначалникот на Бутел,  Петре Латиновски и Боби Бојчевски, претседател на Советот. Во јавноста се појавија информации дека на оваа локација во Бутел, нема да се гради крст, туку парк на толеранција. ДУИ остро се спротивставува на идејата во Бутел да се гради крст висок 55 метри.