Нови закани кон српскиот епидемиолог Предраг Кон се појавија утринава, кога осамна графит на на зградата во која живее. Овој  пат го споредија со Менгеле, односно беше напишано: КОН=МЕНГЕЛЕ, што лекарот видно го вознемири, пишуваат српските медиуми.

Поради низата претходни закани, д-р Кон доби и полициско обезбедување, како заради смртните закани, така и заради бројните навреди. Антиваксерите во Србија упатиле порака дека ќе заврши како Зоран Ѓинѓиќ и дека треба да биде ликвидиран.

И овој пат д-р Кон проговори за грозоморните графити, за кои нагласи дека тие пораки се многу опасни и дека тоа јасен повик за линч.

-Ова е шега за некого. Особено за оние кои гледаат од страна и навиваат. Но, не е шега за мене, ниту за некој кој е припадник на еврејскиот народ. Таа мешавина на антисемитизам што се случува е нешто што не очекував да го видам во Србија, изјави д-р Кон РТС.