На само час и половина возење од Јадранското Море, во срцето на Херцеговина, е местото кое во последниве години привлекува сè поголемо внимание од инвеститорите и љубителите на природата. Невесиње, град кој често се опишува како скриен бисер на Република Српска, бележи вистински економски и туристички пораст. Во центарот на градот, квадратен метар од нова зграда може да се купи за околу 1.000 евра. Покрај тоа, Невесиње нуди чист планински воздух, прекрасни пејзажи и гостопримливи домаќини, па затоа не е ни чудо што сè повеќе луѓе го гледаат како идеално место за живеење или инвестирање.

И додека сите очи се насочени кон популарните дестинации покрај брегот, Невесиње тивко, но сигурно станува нова ѕвезда на мапата на недвижности на Балканот. За љубителите на природата, свежиот воздух и мирниот живот, ова е вистинското место за инвестирање, но и за живеење. Инвеститори од целиот свет инвестираат во Невесиње.

Локацијата е клучна! Овој град има неверојатна предност - се наоѓа на само 120 км од Херцег Нови, 130 км од Тиват, 70 км од Метковиќ, 90 км од Требиње, 30 км од Мостар... Белград е оддалечен само 420 км. До Мостар може да се стигне со авион од Белград за 45 минути, а потоа до Невесиње е на околу половина час возење. Подгорица е оддалечена 170 км, а Сараево 160 км, пишува Мондо. 

foto Wikipedia/ Miljan Simonović