Министерот за транспорт и врски, Александар Николоски, информираше дека изградбата на автопатот Охрид-Кичево напредува со голема посветеност и ќе биде завршена согласно предвидените рокови до крајот на 2026 година.

• -Свлечиштата на автопатот, проблем кој го блокираше проектот, сега е решен со најголемиот инженерски потфат во регионот – изградбата на 14 галерии на целата траса, што ќе овозможи безбедно движење на автопатот и ќе го направи основа за економскиот развој на западниот дел од земјата – истакна Николоски.

Овој проект ќе игра клучна улога во унапредувањето на инфраструктурата и ќе биде срж на економијата на западниот регион, создавајќи нови можности за сите.

Министерот додаде дека ова е уште еден важен чекор во изградбата на современата инфраструктура во Македонија, што ќе го поддржи развојот на транспортниот сектор и целокупната економија.