Горивата поскапуваат од полноќ
Oд полноќ горивата поскапуваат. Регулаторната комисија за енергетика (РКЕ) ги објави новите цени.
Малопродажните цени на бензините ЕУРОСУПЕР БС-95 и ЕУРОСУПЕР БС-98, се зголемуваат за 2,50 денари за литар, и со тоа малопродажната цена на ЕУРОСУПЕР БС-95 изнесува 84,00 денари за литар, а малопродажната цена на ЕУРОСУПЕР БС-98 ќе биде 86,00 денари за литар.
Малопродажната цена на ЕУРОДИЗЕЛ (Д-Е V) се зголемува за 1,00 денар за литар, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 21 април и со тоа малопродажната цена на ЕУРОДИЗЕЛ (Д-Е V), ќе изнесува 85,50 денари за литар.
Малопродажната цена на Екстра лесното масло за домаќинство (ЕЛ-1), се зголемува за 1,50 денари за литар, и ќе изнесува 84,00 денати за литар.
Малопродажната цена на Мазутот М-1 НС, ќе скокне за 1,226 ден/кг, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 21.04.2022 година и со тоа Мазутот М-1 НС изнесува 52,825 ден/кг.
Референтните цени на нафтените деривати на светскиот пазар во споредба со претходната пресметка имаат зголемување во просек кај бензините за 1,579%, кај дизелот има намалување за 1,059%, кај екстра лесното масло намалувањето е за 1,418% и кај мазутот зголемувањето е за 1,876%.
Слично
Поврзани вести
