Регулаторната комисија за енергетика, водни услуги и услуги за управување со комунален отпад (РКЕ) донесе одлука за зголемување на малопродажните цени на нафтените деривати во просек за 1,13 проценти во однос на одлуката од 27 февруари 2026 година.

Одлуката стапува во сила од 3 март 2026 година во 00:01 часот.

Нови максимални цени:

ЕУРОСУПЕР БС-95 – 74,50 денари за литар

ЕУРОСУПЕР БС-98 – 76,50 денари за литар

ЕУРОДИЗЕЛ БС (Д-Е V) – 71,00 денари за литар

Екстра лесно масло за домаќинство (ЕЛ-1) – 70,00 денари за литар

Мазут М-1 НС – 35,542 денари за килограм

Бензините ЕУРОСУПЕР БС-95 и БС-98 поскапуваат за 1 денар по литар. Цените на дизелот и на екстра лесното масло остануваат непроменети, додека мазутот поскапува за 1,022 денари по килограм.

Од РКЕ појаснуваат дека станува збор за максимални цени, а трговците можат да ги формираат цените и пониско од утврдените највисоки износи.

Зголемувањето следи по растот на референтните цени на светските пазари, каде бензините бележат пораст од 2,977 проценти, дизелот 0,464 проценти, екстра лесното масло 0,370 проценти, а мазутот 3,965 проценти. Курсот на денарот во однос на доларот во периодот на пресметка е понизок за 0,1035 проценти.