Нови цени на горивата ќе важат од ноќеска на полноќ. 

Бензините поскапуваат за денар, а дизелот и екстра лесното масло за домаќинство за 1,5 денари. 

Вака денеска одлучи Регулаторната комисија за енергетика (РКЕ).

Новата цена на литар ЕУРОСУПЕР БС-95 е 64 денари, а 66 денари ќе се плаќа за литар ЕУРОСУПЕР БС-98. Литар ЕУРОДИЗЕЛ (Д-Е V) ќе чини  50,50 денари, а новата цена на Екстра лесното масло за домаќинство (ЕЛ-1) е 39 денари за литар.

Малопродажната цена на мазутот М-1 НС се зголемува за 1,130 денари  по килограм и ќе изнесува 26,382 денара.

Според Методологијата за формирање на цените, малопродажните цени на нафтените деривати, се зголемуваат во просек за 2,91%. 

РКЕ ја утврди новата цена на бензините врз база на движењата на просечната цена на суровата нафта на светскиот пазар во изминатите две недели и курсот на доларот во однос на денарот.

Овие цени ќе важат следните две седмици.