Никој не и помага на Македонија да се справи со миграцискиот бран, кој зема залет веќе неколку месеци во земјата. Тоа го изјавил македонскиот претседател Ѓорге Иванов.

Одговорите на македонскиот претседател беа кратки, но елоквентни. Запрашан дали има комуникација помеѓу македонските и грчките власти за миграција Ѓорге Иванов одговори: „Никако. Само на границата помеѓу полицијата од грчка страна и од наша“.

Тој истакнал дека нема никаква размена на информации за опасните лица, кои можат да влезат од Грција во Македонија. Иванов изразил жалење што и од европска земја не се покажува речиси никаква помош, за да може Македонија да се справи со миграцискиот прилив. „Нема никаква помош. Само Црвениот крст ни помогна со 90 000 евра“, прецизира тој.

Шефот на државата учествува на 38-та Генерална конференција на УНЕСКО. Сесијата поминува во знакот на крвавата трагедија која се случи во Париз на 13 ноември. Тогаш исламистичките терористи нападнаа на неколку места невини француски државјани, при што загинаа 129 лица и повредени беа стотици. Нападите го потресоа светот со својата суровост.

Истрагата покажа дека дел од терористите поминале преку т.н. Западен пат употребен од мигрантите од Блискиот Исток, за да влезат во Европа. Мигрантите пристигнуваат во илјадници бројки на грчките острови, по што властите во Атина ги испраќаат организирано на север кон Македонија. Македонија не е во состојба да ги преземе овие количини на луѓе кои и создаваат сериозна закана пред се за нејзината национална безбедност и за нејзината економија.