Словенечкиот произведувач на апарати за домаќинство „Горење“ од Велење, вчера објави дека во првата половина на оваа година остварил 3,1 милион евра добивка, што е многу подобро отколку минатата година кога во првите шест месеци имаше 7,8 милиони евра загуба.

Профитот пред одземањето на каматата, данок на добивка и амортизација (EBITDA - Earnings Before Interest, Taxes, Depreciation and Amortization) на годишно ниво е зголемен за 17,2 одсто, на 43,1 милион евра.

Добриот резултат во „Горење“ го објаснуваат со успешно реконструирање и подобра продажба, пренесуваат медиумите во регионот.

Приходите од продажбата во првите шест месеци оваа година изнесуваа 600,7 милиони евра, што е на годишно ниво раст за 1,8 одтсо.

Од „Горење“ истакнуваат дека најголем раст на приходите оствариле во Германија, Русија, Бугарија, Романија, Велика Британија, Северна Америка и Чешка и Словачка.

Од словенечката компанија напоменуваат дека поради значајниот руски и украински пазар за соработка групата „Горење“ внимателно го следат развојот на настани на тие пазари.