Гордоста на рускиот бизнис: Продаден e за половина од бараната цена
Московскиот аеродром Домодедово, некогаш симбол на успехот на руската приватизација и главна меѓународна порта на Москва, е продаден за половина од првичната цена.
Руската влада не добила понуди за минималната цена од 1,7 милијарди долари, па затоа дозволила аукцијата да падне за 50 проценти. На крајот, аеродромот Шереметјево, кој е поврзан со Кремљ, го купил за 880 милиони долари, објави „Њујорк тајмс“.
Продажбата е очигледна илустрација на меѓународната изолација на Русија и економските последици од војната во Украина. Тоа е исто така најзначаен пример за бран национализации на приватни компании што ја потресоа руската бизнис заедница.
Со години, Домодедово е успешна приказна. По приватизацијата во 1990-тите, стана втор по големина аеродром во Москва, а „Бритиш ервејс“, „Луфтханза“ и други странски компании го избраа како база пред конкурентите во државна сопственост.
Падот започна со пандемијата на Ковид и продолжи со санкциите што го затворија европското небо за Русија. Новиот терминал, отворен во 2023 година по години одложувања, сега е полупразен, со суспендирани летови до стотици европски дестинации, како и до Јапонија, Австралија и други земји. И покрај двојно зголемената површина, бројот на патници падна на 14 милиони годишно, што е половина од нивото пред пандемијата.foto freepik.com/Rakoon
Слично
Поврзани вести
