Другарите на Матеј Периш (27) од Сплит, по кого се трага 11 дена во Белград, од почетокот на претресот целосно се повлекоа во илегала и не даваат изјави за медиумите, а во јавноста се отвори полемика дали тие се навистина депресивни или кријат детали за ноќта помеѓу 30 и 31 декември кога на нивниот пријател му се губи секоја трага од кај Бетон халата!

Да потсетиме, Матеј Периш исчезнал од клубот „Готик“ кога истрчал надвор, а неговото исчезнување, според официјалните информации, било пријавено на 31 декември во 18 часот. Како што рекоа претходно пријателите, околу 02.30 часот забележале дека Матеј го нема, иако од снимките од надзорната камера се гледа дека младиот човек се уште трчал низ белградските улици околу 01.47 часот, по што наводно влегол во Сава.

„Има низа нелогичности во случајот со исчезнувањето на Периш. Неговите пријатели, кои го пријавиле исчезнувањето, првично не биле многу комуникативни со полицијата. Но, кога неговиот татко Ненад пристигнал во Белград, го виделе, а потоа дале изјави во полиција“, вели изворот:

„И тие беа прегледани на полиграф и сите шест го поминаа детекторот за лаги, и се вратија во Хрватска. Очигледно нема индиции дека се директно поврзани со исчезнувањето, но мистерија е зошто молчат и не сакаат јавно да зборуваат за настаните од кобната ноќ“, вели истиот извор.

Телефонот престанал да работи на шеталиштето Сава?

Како што дознава Курир.рс, базните станици потврдиле дека телефонот на Матеј Периш бил исклучен во близина на ресторанот на шеталиштето Сава, односно дека последен пат бил регистриран таму. На видеото кое претходно беше објавено се гледа дека Матеј по едночасовно трчање по Караѓорѓева и улиците околу салата Бетон, дошол во ресторан на шеталиштето Сава и наводно влегол во водата.

„Базните станици покажуваат дека телефонот губи трага токму таму, во близина на ресторанот. Се претпоставува дека телефонот престанал да работи кога влегол во вода“, вели изворот.

Коментарите на социјалните мрежи нималку не им одат во прилог на шестмината пријатели кои биле со Периш во Белград.

„Има различни теории, од тоа дека знаат нешто па се повлекле, до тој степен дека тие го убиле и му истуриле нешто намерно во пијалокот“, рекол изворот за Курир.рс.

Под сликата на Матеј на неговиот Инстаграм профил има низа слични коментари, главно негативни за неговите пријатели.

„Неверојатно ми е тоа што никој од неговите пријатели не се огласи, не ги сподели сликите на Матеј, не се организираше да дојдат да помогнат во потрагата. Сплит е мал град, а неговите пријатели се тежок олош“, напишал еден од комемнтаторите.

„Од авионот се гледа дека неговите пријатели на шега му ставиле нешто во пијалокот, штом толку молчат! Тие знаат што се случило во клубот и зошто Матеј избегал, зошто не сакаат да кажат?“, се вели во друг коментар.

Десеттиот ден по исчезнувањето на Матеј Периш (27) од Сплит, на социјалните мрежи почнаа да кружат видеа направени во белградскиот клуб „Готик“ ноќта кога тој исчезна. На видеото кое посетителите на клубот го снимија на мобилен телефон, се гледа како на сцената пее Слободан Вељковиќ Цоби, кој таа вечер, ноќта меѓу 30 и 31 декември, настапи во „Готик“. Од објавеното видео се гледа дека атмосферата во клубот била весела, нема конфликт или проблем. Интересно е што на снименото видео се слуша песната „Бисери од кал“, чиј стих гласи: „Понекогаш ми доаѓа да оставам се и да заминам“.

Извор и фото: Курир.рс